ગુજરાત સરકાર દ્વારા રાજ્યમાં વસવાટ કરતાં લોકો માટે કોઈ ને કોઈ યોજનાઓ બહાર પાડવામાં આવતી હોય છે. આજે તેવી જ એક વિધવા મહિલાઓ માટેની સરકારી યોજના વિશે આપણે અહિયાં વાત કરવાના છીએ. આ યોજનાનું નામ ‘ગંગા સ્વરૂપા વિધવા પેન્શન યોજના’ છે.
ગુજરાત સરકાર દ્વારા સૌપ્રથમ જ્યારે આ યોજના અમલમાં મૂકવામાં આવી ત્યારે તેનું નામ ‘વિધવા સહાય યોજના’ હતું જે પાછળથી નામ બદલી ને ‘ગંગા સ્વરૂપા આર્થિક સહાય યોજના’ રાખવામાં આવ્યું. આ યોજનામાં ફક્ત વિધવા મહિલાઓને જ લાભ આવપમાં આવે છે.
ગંગા સ્વરૂપા આર્થિક સહાય યોજના – વિધવા પેન્શન સહાય યોજના
નિરાધાર વિધવા મહિલા કે જેના પતિનું અવસાન થયું હોય તદુપરાંત નિરાધાર મહિલા તેને પાત્ર ગણવામાં આવશે કે, જેના પતિનું અવસાન થયાં બાદ કોર્ટ દ્વારા સ્વ પતિના કુટુંબ તરફથી ખાધ ખોરાકીના કે કોઈ એવી મિલકત મળી નથી કે જેનાથી તે પોતાનું ભરણ પોષણ કરી શકે.
મહિલાઓને મળશે 2 લાખ સુધીની લોન સબસિડી સાથે, વાંચો મહિલા સ્વાવલંબન યોજના વિશે વિગતવાર માહિતી
ગંગા સ્વરૂપા આર્થિક સહાય યોજનાનો હેતુ એ મહિલા સશક્તિકરણ માટેનો છે. સામાન્ય રીતે તમે જોશો તો વિધવા બહેનો ને પોતાના બાળકો અને ઘરનું પૂરું કરવા માટે ખૂબ જ તકલીફ પડતી હોય છે. આ તકલીફોનો સામનો કરવા માટે રાજ્ય સરકાર દ્વારા આ યોજના અમલમાં મૂકવામાં આવી છે અને દર મહીને સરકાર દ્વારા ચોક્કસ રકમ વિધવા મહિલાને આપવામાં આવે છે.
કોને લાભ મળવાપાત્ર છે?
- અરજદાર પોતે, તેના બાળકો અને સાવકા બાળકો કે જેઓ નિરાધાર વિધવા મહિલા પર આશ્રિત હોય.
- કુટુંબની આવક ગ્રામીણ વિસ્તાર માટે રૂપિયા 1,20,000 અને શહેરી વિસ્તાર માટે રૂપિયા 1,50,000
- 18 વર્ષથી વધુ ઉંમરની નિરાધાર વિધવાઓને મૃત્યુ પર્યત અથવા પુનઃલગ્ન ન કરે ત્યાં સુધી સહાય
- વિધવા બહેન ગુજરાત રાજ્યના રહેવાસી હોવા જોઈએ
લાભ મેળવવા માટેની શરતો
- નિરાધાર વિધવાઓના પુનઃ સ્થાપન માટે 18 થી 50 વર્ષની વયજૂથના તમામ લાભાર્થીઓએ ફરજિયાત પણે 2 વર્ષની અંદર તાલીમ મેળવવાની રહેશે.
- નિયામકશ્રી રોજગાર અને તાલીમ હસ્તકના કૌશલ્ય વર્ધન કેન્દ્રોમાં તાલીમ લેવાની રહેશે જેનું પ્રમાણપત્ર પણ આપવામાં આવશે.
- તાલીમ દરમિયાન પ્રતિદિન રૂપિયા 20 પ્રમાણે વધુમાં વધુ ત્રણ માસ માટે સ્ટાઇપેન્ડ પોસ્ટ ઓફિસના ખાતામાં જમા કરવામાં આવશે.
- તાલીમ પૂર્ણ થયાં બાદ તાલીમ ટ્રેડની કીટ આપવામાં આવશે. કીટ ઉપલબ્ધ ન હોય તો કીટ ના બદલે કોઈપણ પ્રકારની રોકડ રકમ આપવામાં આવશે નહીં.
મંજૂરીની પ્રક્રિયા
- લાભાર્થી પોતે પોતાના અથવા સાવકા બાળકો તેમજ માતા-પિતા કે સાસુ-સસરા કે જેમની સાથે લાભાર્થી રહેતા હોય લાભાર્થીના કુટુંબના તમામ સભ્યોની વિગતો દર્શાવવાની રહેશે.
- વિધવા સહાયના સંપૂર્ણ પુરાવા અને વિગત સાથેનું ફોર્મ ભરી સંબંધિત તાલુકા, જિલ્લાના મામલતદાર/રક્ષણ અધિકારીશ્રીને રજૂ કરવાનું હોય છે.
- લાભાર્થીને હુકમ મળ્યેથી દિન-21 માં તેઓની નજીકની પોસ્ટ ઓફિસમાં બચતખાતું ખોલાવીને પાસબુકની નકલ અત્રેની કચેરીએ તથા જિલ્લા દહેજ પ્રતિબંધ અધિકારીશ્રીને રજૂ કરવાની રહેશે.
- લાભાર્થી પોતાના ખાતામાંથી સતત છ માસ સુધી સહાય ઉપાડશે નહીં તો સહાય ચૂકવવાનું બંધ કરવામાં આવશે. જમા રકમ ઉપાડવા દેવી કે કેમ તથા પુનઃસહાય ચાલુ કરવી કે નહીં તે અંગેની અત્રેની કચેરીનો નિર્ણય આખરી રહેશે.
- લાભાર્થી પુનઃલગ્ન કરેલ નથી તેનું પ્રમાણપત્ર તલાટી/મામલતદારશ્રી/તાલુકા વિકાસ અધિકારીશ્રીનું મેળવી દર વર્ષે જુલાઈ માસમાં અત્રેની કચેરીમાં તથા પોસ્ટ ઓફિસમાં રજૂ કરવાનું રહેશે. આવું પ્રમાણપત્ર રજૂ કરવામાં નહીં આવે તો સહાય બંધ કરવામાં આવશે.
દિકરીને માળશે 1,10,000 ની સહાય: વ્હાલી દિકરી યોજના હેઠળ રાજ્ય સરકાર આપશે સહાય, વાંચો વિગતવાર માહિતી
અરજી કરવાની સમય મર્યાદા
- સહાયનો લાભ ફક્ત અરજી મંજૂર કર્યા તારીખથી મળવાપાત્ર છે.
- જે લાભાર્થીની અરજી અગાઉ સમય મર્યાદાના કારણે રદ થયેલ તે વિધવા મહિલાઓ નવેસરથી અરજી કરી શકશે. પરંતુ સહાયનો લાભ નવેસરથી અરજી કર્યા તારીખથી મળવાપાત્ર છે.
અરજી સમયે રજૂ કરવાના થતાં પુરાવા/પ્રમાણપત્ર
- આવક માટે તલાટી/મામલતદાર/ટીડીઓ/ચીફ ઓફિસર
- સ્થાવર/જંગમ મિલકત માટે મામલતદાર/ટીડીઓ
- ઉંમર માટે શાળાનું પ્રમાણપત્ર/જન્મનો દાખલો/અન્ય કોઈ આધારભૂત પુરાવો ન હોય તો PHC/CHC/સિવિલ સર્જન પૈકીનો કોઈપણ એક સરકારી ડૉક્ટરી પ્રમાણપત્ર
- પતિના અવસાનનો દાખલો તલાટી અથવા મામલતદાર
- પુનઃલગ્ન કર્યા નથી તે અંગેનું પ્રમાણપત્ર તલાટી
- ફોટો, રેશનકાર્ડની નકલ, ચૂંટણીકાર્ડ/આધારકાર્ડ, લાઇટબિલ, સંતાનોના જન્મ પ્રમાણપત્ર
આ યોજનામાં ફોર્મ કેવી રીતે ભરવું?
ગંગા સ્વરૂપા યોજનામાં ફોર્મ ભરવા માંગતી વિધવા બહેનોએ પોતાની સાથે જરૂરી ડોક્યુમેન્ટ રાખી જો તેઓ ગ્રામ્ય વિસ્તારમાંથી આવતા હોય તો પંચાયત ઓફિસમાં જવું અને શહેરી વિસ્તારમાંથી હોય તો મામલતદાર કચેરીમાં જવું અને ત્યાંથી ફોર્મ લઈને ભરવાનું રહેશે. અરજીનું ફોર્મ ની લિંક નીચે આપેલી છે અને તમે કચેરીમાં અથવા ઓફિસમાં જઈને પણ ત્યાંથી મેળવી શકો છો અને ફોર્મ ભરી શકો છો.
ગંગા સ્વરૂપા આર્થિક સહાય યોજના ફોર્મ | અહિયાં ક્લિક કરો |